Il-prostatite hija l-infjammazzjoni tal-glandola tal-prostata. Il-prostata hija glandola żgħira li tinsab bejn il-pene u l-bużżieqa tal-awrina u tipproduċi fluwidu li jitħallat mal-isperma biex joħloq is-semen.
Din tista’ sseħħ fi kwalunkwe età iżda l-aktar bejn l-etajiet ta’ 30 u 50 sena.
Hemm 2 tipi ewlenin ta’ prostatite:
- Prostatite kronika – fejn is-sintomi jiġu u jdumu diversi xhur; l-aktar tip komuni
- Prostatite akuta – fejn is-sintomi jkunu severi u jiġu f’daqqa waħda; rari, iżda potenzjalment ta’ theddida għall-ħajja u jeħtieġu trattament immedjat
Is-sintomi tal-prostatite jinkludu:
- Uġigħ madwar il-pene, it-testikoli, l-anus, in-naħa t’isfel taż-żaqq, jew in-naħa t’isfel tad-dahar
- Uġigħ waqt l-awrina
- Awrina frekwenti
- Problemi biex tinbeda l-awrina – “stop-start” jew żamma tal-awrina
- Ma tħossokx tiflaħ u possibbilment bid-deni
X’jikkawża l-prostatite?
Il-prostatite hija kkawżata minn batterji fil-glandola tal-prostata li jkunu daħlu mill-passaġġ tal-awrina. Jista’ jirriżulta wkoll minn infezzjoni trażmessa sesswalment (eż. il-gonorrea, il-klamidja jew l-HIV) jew infezzjoni fl-apparat tal-awrina.
Trattament
Il-kura għall-prostatite tiddependi fuq jekk għandekx prostatite akuta jew kronika. Dejjem mur għand it-tabib tiegħek minnufih. It-tabib tiegħek jista’ jippreskrivilek trattament ieħor jew jirreferik għal aktar testijiet skont is-sintomi tiegħek.
Madankollu, it-trattament jista’ jinkludi:
- Antibijotiċi
- Painkillers
Kawżi tal-prostatite:
Il-prostatite akuta normalment tiġi kkawżata minn batterji fis-sistema tal-awrina li jidħlu fil-prostata.
L-apparat tal-awrina jinkludi l-bużżieqa tal-awrina, il-kliewi, it-tubi li jgħaqqdu l-kliewi mal-bużżieqa tal-awrina (ureteri), u l-uretra.
Fatturi ta’ riskju:
- Infezzjoni riċenti fl-apparat tal-awrina (UTI)
- Kateter tal-awrina reċenti
- Jekk kellek bijopsija tal-prostata
- Infezzjoni trażmessa sesswalment (STI)
- HIV jew AIDS
- Problemi fl-apparat tal-awrina
- Pelvis midrub
- Sess anali
- Kellek il-prostatite qabel
- Xjuħija