L-isklerożi multipla
L-isklerożi multipla taffettwa s-sistema nervuża ċentrali, li tikkontrolla l-funzjonament konjittiv, motorju u sensorju. Hija marbuta
Il-marda ta’ Parkinsons
Hemm għadd ta’ fatturi involuti fil-funzjoni sesswali mdgħajfa marbuta mal-Parkinson’s. Dawn jinkludu tnaqqis fl-attività tad-dopamina, mobilità mnaqqsa, u disfunzjoni tas-sistema nervuża awtonoma (ANS). L-ANS tikkontrolla l-funzjonijiet tal-ġisem li mhumiex taħt il-kontroll konxju. Dan jista’ jaffettwa diversi stadji taċ-ċiklu tar-rispons sesswali (jiġifieri t-tqanqil, il-lubrikazzjoni, l-orgażmu). Barra minn hekk, il-pazjenti li jbatu minn marda bħall-Parkinson’s jistgħu jbatu wkoll minn dipressjoni u ansjetà, li jkomplu jaffettwaw il-funzjoni sesswali.
Koppji fejn partner minnhom ikollu diffikultajiet motorji m’għandhomx għalfejn jieqfu jgawdu s-sess. Xi koppji jsibuha diffiċli biex jadattaw għar-rwoli l-ġodda li t-tnejn li huma jridu jwettqu (‘pazjent’ u ‘persuna li tieħu ħsieb’), iżda biż-żmien u l-komunikazzjoni, in-nies isibu li dan jista’ jqarribhom aktar. Huwa importanti li l-koppja tqatta’ l-ħin flimkien tagħmel l-affarijiet li jgawdu t-tnejn li huma. Il-ħlewwa u l-intimità huma l-pedament biex ikompli jitgawda s-sess, għalkemm il-koppja jista’ jkollha tagħmel xi aġġustamenti. Pereżempju, jista’ jkollhom jikkunsidraw pożizzjonijiet jew attivitajiet sesswali alternattivi, bħall-masturbazzjoni reċiproka jew is-sess orali.