Is-sess vaġinali
- Is-sess vaġinali jinvolvi li pene jiddaħħal f’vaġina.
- Importanti s-sess b’kondom. Mingħajru, tpoġġi lilek u lill-partner f’riskju ta’ tqala u STIs inkluż l-HIV.
- Madankollu, jekk il-persuna li tgħix bl-HIV tkun fuq medikazzjoni u jkollha livelli ta’ HIV li ma jistgħux jiġu osservati, allura ma jkun hemm l-ebda riskju li l-virus jgħaddi.
- Il-kondoms huma l-aktar protezzjoni effiċjenti, imma mhux dejjem se jwaqqfuha t-tqala. Dan għaliex xi semen jista’ jnixxi fil-vaġina qabel l-eġakulazzjoni.
- Ladarba tibda l-mestrwazzjoni, is-sess vaġinali jista’ jwassal għat-tqala, anki jekk tkun l-ewwel darba li seħħ rapport sesswali. Hemm ukoll ir-riskju ta’ Infezzjonijiet Trażmessi Sesswalment jekk ikun hemm rapport sesswali mingħajr protezzjoni xierqa.
- Għalkemm fil-biċċa l-kbira tal-persuni l-vaġina hija awtolubrifikanti (jiġifieri tnixxifluwidu li jaġixxi bħala lubrikazzjoni), l-applikazzjoni tal-lubrikazzjoni tnaqqas iċ-ċans li l-kondom jinkiser u tista’ tagħmel is-sess b’mod aktar komdu u żżid il-pjaċir.
- Nisa trans li jkunu għaddew minn kirurġija ta’ affermazzjoni tal-ġeneru għandhom dejjem jużaw il-lubrikazzjoni meta jkollhom sess penetrattiv.
Il-pene kif jidħol fil-vaġina?
Wieħed jista’ juża idu biex jiggwida bil-mod il-pene fil-vaġina. Matul l-att sesswali, il-muskoli vaġinali jiġġebbdu biex jakkomodaw il-pene u jista’ jintlaħaq l-orgażmu jekk tiġi stimolata l-klitoride, iżda dan jista’ ma jseħħx kull darba. Huwa maħsub li ftit persuni jorgażmaw kull darba li jkollhom sess (Leiblum 2007). Hekk kif jiżdied it-tqanqil, id-demm ikompli jnixxi lejn iż-żona pelvika, in-nifs isir itqal, ir-rata tal-qalb tiżdied, il-bżieżel iqumu, u l-parti t’isfel tal-vaġina tidjieq sabiex taqbad il-pene filwaqt li l-parti ta’ fuq tespandi. Ammont kbir ta’ tensjoni tan-nervituri u tal-muskoli jakkumula fil-ġenitali, fil-pelvi, fil-koxox u fil-warrani li mbagħad jinħelsu involontarjament f’serje ta’ mewġiet. Jista’ jkun aktar diffiċli għal dawk li jkunu għaddew minn mutilazzjoni ġenitali femminili jew mutilazzjoni ġenitali intersesswali biex jesperjenzaw il-pjaċir matul is-sess u jistgħu, f’xi każijiet, jesperjenzaw ukoll l-uġigħ. F’każijiet bħal dawn huwa importanti li titkellem mat-tabib jew mal-prattikant tas-saħħa fdat tiegħek.
L-ewwel darba li jkollok sess vaġinali tista’ tkun xi ftit skomda għal persuni b’ġenitali femminili, meta l-imene tiġġebbed jew tiċċarrat, iżda jsir aktar faċli u komdu wara l-ewwel darba. Huwa normali għal xi persuni li jaraw xi demm għall-ewwel darba li jkollhom sess, iżda wieħed għandu jfittex parir mediku jekk dan ikompli jseħħ. Iżda huwa wkoll normali li qatt ma tara d-demm wara li jkollok is-sess għall-ewwel darba. L-eżerċizzju ta’ strapazz u l-użu tat-tampons jistgħu jaqta’ l-imene qabel.
Il-foreplay jista’ jgħin lilek u lill-partner tiegħek titqanqlu tkunu lesti għas-sess vaġinali. Is-sess vaġinali jista’ jiġi kkombinat ma’ tip ieħor ta’ sess.
Xi drabi, persuna tista’ tħoss ftit skumdità jekk il-vaġina tagħha ma tkunx lubrikata biżżejjed, għalhekk l-użu ta’ lubrikant ibbażat fuq l-ilma jista’ jkun ta’ għajnuna. Barra minn hekk, dan jista’ jfisser li s-sieħeb qed jgħaġġel wisq, jew tista’ tipprova pożizzjoni differenti aktar komda. Għalkemm il-vaġina hija awtolubrifikanti (jiġifieri tnixxi fluwidu li jaġixxi bħala lubrikazzjoni), l-applikazzjoni tal-lubrikazzjoni tnaqqas il-possibbiltà li jinkiser il-kondom u tista’ tagħmel is-sess aktar komdu u żżid il-pjaċir. Jista’ jkun aktar diffiċli għal dawk li jkunu għaddew minn mutilazzjoni ġenitali femminili jew mutilazzjoni ġenitali intersesswali li jesperjenzaw pjaċir matul is-sess u jistgħu, f’xi każijiet, jesperjenzaw ukoll l-uġigħ. F’każijiet bħal dawn huwa importanti li titkellem mat-tabib jew mal-prattikant tas-saħħa fdat tiegħek.
Għandi jkolli sess vaġinali?
Tħossox taħt pressjoni biex twettaq sess vaġinali jekk din il-prattika ma tgħoddx għalik. Iddiskuti apertament mal-partner tiegħek dwar l-għażla tiegħek u jekk intix lesta jkollok sess vaġinali. Tkellem dwar il-protezzjoni u tħossok imbarazzata li qed tipproteġi lilek innifsek u lill-partner.