X’inhuma l-lubrikanti sesswali?
Il-lubrikanti sesswali (imsejħa wkoll lubrikanti) huma sustanzi użati matul l-attività sesswali biex titnaqqas il-frizzjoni bejn il-partijiet jew l-oġġetti tal-ġisem (bħal ġugarelli sesswali).
Il-ġisem normalment jipproduċi tnixxija li tissejjaħ lubrikant naturali, waqt it-tqanqil sesswali. Il-lubrikant inixxi mill-pene u mill-vaġina u jagħti sensazzjoni ‘niedja’ matul attività ta’ tqanqil u sesswali. Madankollu, xi persuni mhux dejjem jistgħu jipproduċu dan il-lubrikant b’mod naturali u jkunu jeħtieġu lubrikant addizzjonali. It-tnaqqis fit-tnixxija għandu t-tendenza li jkun ir-riżultat ta’ kundizzjoni medika, stress, jew tal-età. Xi atti sesswali jeħtieġu wkoll lubrikant ulterjuri biex tiġi evitata ħsara fit-tessut, pereżempju, matul is-sess anali.
Meta jiġu indikati l-lubrikanti sesswali?
Il-lubrikanti sesswali huma indikati f’każijiet bħal dawn li ġejjin:
- Nixfa vaġinali
- Disturb sesswali tat-tqanqil
- Dyspareunia (sess li jikkawża l-uġigħ)
- Atrofija vaġinali
- Vulvodynia
- Vaginismus
- Diffikultà Orgasmika
- Wara l-menopawża
- Disfunzjoni erettili
- Eġakulazzjoni rapida
Meta tista’ tuża l-lubrikanti sesswali?
- Masturbazzjoni
- Sess anali
- Sess vaġinali
- Sess orali
- Użu ma’ ġugarelli sesswali
X’tip ta’ lubrikanti huma disponibbli?
- Il-bżieq
- Lubrikanti b’bażi ta’ żejt (Ma jistgħux jintużaw mal-kondoms tal-latex)
- Lubrikanti b’bażi ta’ ilma (Jistgħu jintużaw mal-kondoms tal-latex)
- Lubrikanti b’bażi ta’ silikon (Jistgħu jintużaw mal-kondoms tal-latex)
- Lubrikanti sesswali ‘speciality’ (il-biċċa l-kbira jistgħu jintużaw bil-kondoms tal-latex)
Huwa importanti li tiċċekkja l-użu minn qabel tal-lubrikanti jekk ikollok allerġija għal xi sustanza fihom. Barra minn hekk, ara li jkunu kompatibbli mal-oġġetti li jkunu qed jintużaw.