Lymphogranuloma Venereum

X’inhi l-LGV?
L-LGV hija infezzjoni trażmessa sesswalment ikkawżata minn ċertu tip ta’ batterji tal-chlamydia trachomatis.

Kif teħodha l-LGV?

Kulħadd jista’ jeħodha l-LGV. Hija komuni ħafna u tista’ tiġi trażmessa faċilment matul is-sess vaġinali, orali u anali.
Tista’ tgħaddi l-LGV lil oħrajn mingħajr ma tkun taf.
Tista’ jiġi ttrattata u mfejjaq.
Jekk ma tittrattax l-LGV, dan jista’ jwassal għal problemi serji tas-saħħa.
Anki jekk kellek l-LGV qabel, xorta tista’ terġa taqbdek.
Hija partikolarment komuni fost l-irġiel omosesswali, bisesswali u rġiel oħra li jkollhom is-sess mal-irġiel, speċjalment jekk ikun pożittiv għall-HIV.

Kif nista’ nnaqqas ir-riskju tiegħi għal-LGV?

Uża l-kondoms kull darba li jkollok sess
Ittestja kemm ikun hemm bżonn
Illimita n-numru ta’ partners tiegħek
Evita s-sess jekk tkun fis-sakra jew użajt drogi illeċiti.

N.B. Il-ħasil tal-ġenitali wara s-sess ma jipprevjenix l-STIs

X’inhuma s-sintomi tal-LGV?
L-ewwel stadju:

Ferita jew boċċa mingħajr uġigħ tista’ tidher meta l-batterji jkunu ddaħħlu f’ġismek. Tista’ teħles minn din il-ferita mingħajr kura. Madankollu, dan it-tip jagħmilha aktar faċli biex jgħaddu infezzjonijiet oħra bħall-HIV, l-Epatite B jew l-Epatite C.

It-tieni stadju:

Glandoli limfatiċi minfuħa (ġimagħtejn sa sitt ġimgħat wara) fil-groin li jistgħu jiżviluppaw f’axxess u tisfija.
Sintomi simili għall-influwenza; deni, bard, tħossok marid, uġigħ fil-muskoli u fil-ġogi.
Tisfija rettali kkontaminata bid-demm.
Stitikezza u sensazzjoni ta’ żvujtar mhux komplut tal-musrana (tenemus).
Uġigħ fir-rektum.

It-tielet stadju:

Jekk titħalla mhux ittrattata, nodi limfatiċi mifuħa wara l-widnejn, taħt ix-xedaq, u fl-abtejn.

Kif nista’ nsir naf jekk għandix l-LGV?

Tista’ ċċempel lill-GU Clinic l-Isptar Mater Dei (Livell 2 tal-Outpatients) fuq 2122798 1 għal appuntament.
It-tabib se jistaqsik biex tiġi eżaminat/a u se jkunu meħtieġa testijiet biex tiġi kkonfermata l-infezzjoni.
L-LGV jiġi ttestjat billi jittieħdu kampjuni bi swab mill-ferita fiż-żona ġenitali u/jew mir-rektum fl-irġiel li għandhom sess anali (u jsir test għall-klamidja). Dawn it-testijiet jintbagħtu lil laboratorju fejn se jiġu ttestjati.
Tista’ tiġi ttestjat għal STIs oħra peress li wieħed jista’ jkollu infezzjonijiet oħra trażmessi sesswalment fl-istess ħin.

Meta għandi niġi ttestjat/a?

Jekk tesperjenza xi sintomi.
Jekk kellek jew qed ikollok sess vaġinali, anali jew orali mhux protett
Jekk qed ikollok sess mhux protett ma’ aktar minn partner wieħed.

Kif jiġi ttrattata l-LGV?

L-LGV tista’ tiġi ttrattata u kkurata bl-antibijotiċi.
Qis li tlesti l-mediċini kollha. Taqsamhomx ma’ oħrajn.
It-tabib jinfurmak meta jkun jista’ jerġa’ jkollox attività sesswali. Importanti li ma jkollokx sess sakemm jtlesti l-kors tal-mediċini. Segwi l-parir tat-tabib tiegħek. It-tul ta’ żmien tal-kura se jaffettwa ż-żmien ta’ meta jista’ jerġa’ jkollok is-sess.
Huwa importanti li tgħid lit-tabib tiegħek jekk intix tqila peress li se jkollok bżonn antibijotiċi differenti.

X’inhuma l-kumplikazzjonijiet tal-LGV, jekk ma niġix ittrattat/a?
L-LGV x’aktarx li ma twassalx għal problemi fit-tul jekk tiġi ttrattata immedjatament. Madankollu, l-LGV mhux ittrattata tista’ tikkawża problemi serji tas-saħħa bħal ċikatriċi, deformità u uġigħ u kumplikazzjonijiet fit-tul għall-ġenitali, għar-rektum u għall-imsaren. Kumplikazzjonijiet oħra jinkludu l-artrite, l-uġigħ fis-sider, il-problemi fil-fwied, u rarament, l-infjammazzjoni tal-qalb jew tal-moħħ.

Għandi ninforma lill-partner tiegħi dwar l-LGV?

Il-partner tiegħek jista’ jkollu/ha l-LGV ukoll.
Qis li tgħid lill-partners sesswali reċenti tiegħek biex jiġu ttestjati u ttrattati. Jista’ jkollhom il-Gonorrea mingħajr ma jkunu jafu.
Il-professjonisti tal-kura tas-saħħa jistgħu jgħinuk tinnotifika lill-partners sesswali tiegħek b’mod kunfidenzjali

Nista’ nerġa’ neħodha l-LGV wara li ġejt ikkurat/a?
Iva, tista’ terġa’ teħdoha l-LGV. Tista’ teħodha minn sħab sesswali mhux ittrattati.

L-LGV jaffettwa r-riskju tiegħi li nieħu l-HIV?
Iva, l-LGV iżżid ir-riskju tal-infezzjoni bl-HIV.

Kif jista’ jiġi evitat l-LGV?
L-LGV u STIs oħra jistgħu jiġu evitati b’suċċess bl-użu ta’ kontraċezzjoni xierqa u billi jittieħdu prekawzjonijiet oħra, bħal:

Bl-użu ta’ kondoms maskili jew kondoms femminili kull darba li jkollok sess vaġinali, jew kondoms maskili matul is-sess anali.
Uża kondom biex tgħatti l-pene, jew dam latex jew tal-plastik biex tgħatti l-ġenitali femminili jekk ikollok sess orali.
Taqsamx l-użu ta’ sex toys, inkella aaħsilhom qabel u wara s-sess u għattihom b’kondom ġdid qabel ma jużahom ħaddieħor

Aktar informazzjoni u għajnuna